"Милан" Бразилия терма жамоаси ҳужумчисини сотиб олмоқчи

"Эвертон" клуби ҳужумчиси Ришарлисон Италия А Сериясида давом эттириши мумкин.

Calciomercato нашри тарқатган хабарга кўра 21 бразилиялик футболчига "Милан" клубидан жиддий қизиқишлар пайдо бўла бошлаган. Ўз навбатида “ирисчилар” ушбу футболчисини 75 млн евро эвазига қўйиб юборишга тайёр.

Маълумот учун, Ришарлисон бу мавсум АПЛда жами 33та ўйинда иштирок этди ва ўз ҳисобига 13та гол ҳамда 2та ассист ёздириб қўйди. Унинг клуб билан амалдаги шартномаси 2023 йилга қадар имзоланган.