"Милан" форварди тезкор гол киритиб, А Серия рекордини ўрнатди

"Милан" ҳужумчиси Рафаэл Леау А Серия доирасида "Сассуоло"га қарши кечган учрашувда тезкор гол уриб, мусобақа тарихига кирди.

21 ёшли футболчига 13-турдан ўрин олган баҳсда дарвоза тўрини нишонга олиш учун 6,2 сония етарли бўлди.

Аввалги рекорд 2001 йилнинг декабрида Пауло Пожи томонидан ўрнатилган. У 8 сония ичида рақиб дарвозасини ишғол қилганди.