"Milan" futbolchisi "Parma"ga o‘tadi

“Milan” klubi o‘ng qanot himoyachisi Andrea Konti katta ehtimol bilan faoliyatini “Parma”da davom ettiradi.

Sky Sport Italia nashri tarqatgan xabarga qaraganda, parmaliklar 26 yoshli italiyalik futbolchini keyinchlik 7 mln evroga sotib olish sharti bilan mavsum oxirigacha ijaraga oladi. Kontining transferi 19 yanvar kuni rasmiylashtirilishi kutilmoqda.

Konti joriy mavsum Italiya A Seriyasida bor yo‘g‘i 2 ta o‘yinda maydonga tushdi xolos.