"Милан" ҳимоячиси ярим йилга сафдан чиқди

"Милан" ҳимоячиси Маттиа Кальдара чап тиззасидан жиддий жароҳат олди. Бу ҳақда La Gazzetta dello Sport нашри хабар тарқатмоқда.

Юқоридаги манбаага кўра 24 ёшли футболчи машғулотлардан бирида жароҳат олган. Шифокорлар эса унинг соғайиши учун камида 6 ой вақт талаб этилишини айтишмоқда.

Эслатиб ўтамиз, Кальдара "Милан" сафига ўтган мавсум бошида "Ювентус"дан Леонардо Бонуччи эвазига кўчиб ўтган эди.