"Milan" hujumchisi "Monako"ga o‘tadi

"Milan" klubi forvardi Andre Silva tez orada "Monako" futbolchisiga aylanadi. Bu haqda Sport Mediaset nashri xabar tarqatmoqda.

Yuqoridagi manbaaga ko‘ra tomonlar allaqachon bu borada kelishuvga erishib bo‘lishgan. Unga ko‘ra monakoliklar 23 yoshli portugaliyalik futbolchining transferi uchun “rossonerilar”ga 30 mln evro to‘lashadi.

Eslatib o‘tamiz, Silva o‘tgan mavsumni “Sevilya” klubida ijarada o‘tkazdi. U andalusiyaliklar safida jami 40ta o‘yinda maydonga tushib, 11ta gol hamda 3ta golli uzatmaga mualliflik qilishga erishdi.