"Милан" "Ливерпуль" ҳужумчиси трансфери бўйича музокаралар бошлади

"Милан" "Ливерпуль" ҳужумчиси Федерико Кьезанинг трансфери бўйича музокаралар жараёнини фаоллаштирди. "Россонери" футболчини Италияда трансфер ойнаси ёпилгунга қадар (1 сентябрь) ўз сафига қўшиб олмоқчи. Бу ҳақда Milan News 24 хабар бермоқда.

Манбага кўра, Кьезанинг трансферига шахсан "Ювентус"да бирга ишлаган "Милан" бош мураббийи Массимилиано Аллегри қизиқиш билдирмоқда.

Кьеза 2024 йилнинг ёзида "Ювентус"дан "Ливерпуль"га ўтганди. Ўтган мавсумда ҳужумчи барча мусобақаларда 14 та ўйинда майдонга тушиб, 2 та гол ва 2 та голли узатмага муаллифлик қилди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 14 млн еврони ташкил этади.