Ads

"Милан" клуби тез орада ўз сафини "Эмполи" хавбеки Раде Крунич билан кучайтиради. Бу ҳақда италиялик машҳур журналист Жанлуки Ди Марцио хабар тарқатмоқда.

Юқоридаги манбаага кўра "россонерилар" 25 ёшли босниялик футболчи учун 8 миллион евро тўлашади. Унга кейинчалик бонуслар ҳам қўшилади.

Крунич айни дамда “Милан”да тиббий кўрикдан ўтмоқда. Агар ҳаммаси ижобий якунланса у клуб билан шартнома имзолайди.

Маълумот учун, Крунич “Эмполи” сафида 2015 йилдан буён тўп суриб келаётган эди. У ўтган давр мобайнида жами 119та ўйинда иштирок этди ва ўз ҳисобига 13та гол ҳамда 18та голли узатма ёздириб қўйишга эришди.