Миланликлар янги стадион қурилишига қарши чиқишмоқда

"Милан" ва "Интер" клублари узоқ йиллардан буён ўз уй ўйинларина битта стадионда - "Сан-Сиро"да ўтказиб келаётгани барчага маълум.

Football Italia нашри тарқатган хабарга кўра ушбу жамоалар "Сан-Сиро"ни бузиб ташлаб, ўрнига янги стадион қуришни режалаштиришмоқда. Бироқ, Милан шаҳри аҳолиси яна янги стадион қурилишига қарши чиқишмоқда.

"Сан-Сиро" шунчаки стадион эмас, барчага яхши маълум бўлган шаҳарнинг рамзига ҳам айланиб қолган", - дейди сиёсий партия вакили Пьетро Татарелла Forza Italia нашрига берган интервьюсида.

Маълумот учун, “Сан-Сиро” стадиони 1925 йилда қурилган. Шундан буён ушбу арена 2 марта – 1956 ва 1989 йилларда реконструкция қилинган.