Миллатлар Лигаси. Бельгия - Англия: Матнли трансляция

Ассалому алайкум, муҳтарам футбол ихлосмандлари. УЕФА Миллатлар Лигаси 5-туридан ўрин олган Бельгия - Англия учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

Бельгия

  • Юри Тилеманс 10'
  • Дрис Мертенс 24'

Европа миллатлар лигаси. "А"-гуруҳи. 2 5-тур

16/11/2020, 00:45

2
:
0
Тугади

Англия

    Стадион: King Power at Den Dreef 0 томошабин

    Бош ҳакам: Danny Makkelie

    45'
    90'

    • 90+4'

      Учрашув якунланди! Матнли транслция Жавоҳир Азимов томонидан олиб борилди.

    • 90+3'

      Англиянинг сўнгги дақиқалардаги ҳужумлари ҳам бесамар якунланмоқда. Улар бугун ўз даражасидага футболни намойиш эта олишмади.

    • 90+2'

      Қарши ҳужумга ўтган Лукаку жарима майдони яқинидан ноаниқ зарба берди.

    • 90'

      Асосий вақтга 3 дақиқа қўшиб берилди.

    • 89'

      Бельгияликлар тўпни шунчаки олдинга тепиб юбормоқда. Бу уларга қимматга тушиши мумкин.

    • 87'

      Англия штурм уюштирмоқда. Бироқ ҳар сафар бельгияликлар тўпни узоқлаштириб юборишни уддаламоқда.

    • 85'

      Букайо Сака жарима майдони ичида йиқилиб тушди. Ҳакам унга ўрнидан туриши кераклигини уқтирди.

    • 83'

      Дрис Мертенс ўрнига Денис Прат ўйинга қўшилди.

    • 82'

      Икки рақибини алдаб ўтган Кейн зарба берди. Тўп йўл-йўлакай Денайерга тегиб, майдонни тарк этди.

    • 80'

      Бу сафар тўп жарима майдонига узатилди. Куртуа яна ўз ўрнида.

    • 78'

      Узоқдан йўлланган зарбани Куртуа қайтарди.

    • 75'

      Бельгия кўпчилик бўлиб ҳимояланмоқда. Инглизлар учун жарима майдонига ёриб кириш катта муаммолар туғдиряпти.

    • 72'

      Саутгейт амалга оширган ўзгаришлар ўйинни фаоллаштира олди.

    • 69'

      Кальверт-Льюин ҳамда Жэйдон Санчо ўйинга қўшилди. Улар ўрнига Мэйсон Маунт ва Киран Триппьер майдондан олинди.

    • 66'

      Инглизлар катта иштиёқ билан ҳужумга интилмоқда. Бельгия ҳимояси қийналишни бошлади.

    • 63'

      Торган Азар ва Триппьер тўқнашиб кетди. Меҳмонлар вакилига тиббий ёрдам кўрсатилмоқда.

    • 61'

      Бу сафар Грилишнинг зарбасига аниқлик етишмади.

    • 59'

      Мертенс Грилишга нисбатан ишлатилган қўполлик учун карточка ишлаб олиши мумкин эди. Бироқ ҳакам оғзаки огоҳлантириш билан чекланди.

    • 57'

      Англиянинг ҳужумлари зарбагача етиб бора бошлади: Кейн жарима майдони ичидан ўз омадини синаб кўрди. Куртуа ўз ўрнида!

    • 56'

      Харри Кейнга нисбатан Денайер жиддий қўполлик ишлатди. Инглиз футболчисига тиббий ёрдам керак.

    • 54'

      Триппьернинг зарбасидан сўнг тўп ўз жамоадошига тегди. Яни бир қулай имконият қўлдан кетди.

    • 53'

      Жарима майдони чизиғи устида Менье Грилишни тўхтатди. Ҳакам унга сариқ карточка кўрсатди.

    • 52'

      Тўп қаршисига яқинлашган Маунтнинг зарбаси ўта ноаниқ чиқди.

    • 51'

      Катта тезликда жарима майдонига ёриб кираётган Кейнни Алдервейрелд қоида бузиш эвазига тўхтатди. Ҳакам уни огоҳлантирди.

    • 48'

      Бўлим аввалида бельгияликлар ҳужум уюштирди. Вазият зарбага қадар етиб бормади.

    • 46'

      Иккинчи тайм бошланди!

    • 46'

      Бўлмилар оралиғида Харри Уинкс ўйинга қўшилди. У Жордан Хендерсонни алмаштирди.

    • 46'

      Футболчлар майдонга қатйрди. Бих ҳам қайтамиз!

    • 45+2'

      Танаффус!

    • 45+1'

      Таймни меҳмонлар устунлик билан якунламоқда. Аммо хавфли зарбадан ҳамон дарак йўқ.

    • 45'

      Биринчи бўлимга 2 дақиқа қўшиб берилди.

    • 44'

      Кейннинг ўткир бурчакдан берган зарбасини Куртуа қайтарди.

    • 44'

      Харри Кейнга нисбатан ишлатилган қўполлик учун Витсель огоҳлантирилди. У кейинги учоашувни ўтказиб юборади.

    • 42'

      Лукаку соло юриш билан жарима майдонигача кириб борди ва шеригига пас берди. Де Брюйне тўпни ўзига бўйсундира олмади.

    • 40'

      Майдон эгалари олдинга ўтишга шошмаяпти. Рақибдан олиб қўйилган тўп орта узатилмоқда.

    • 38'

      Жароҳат олган Бен Чилуэлл захирага олинди. Унинг ўрнини Букайо Сака тўлдирди.

    • 37'

      Де Брюйненинг ноаниқ узатмаси Бельгиянинг тезкор қарши ҳужумини эрта якунлаб қўйди. Азар бу тўпга ета олмасди.

    • 36'

      Бен Чилуэллга тиббий ёрдам кўрсатилмоқда.

    • 34'

      Грилиш томонидан марказга узатилган яна бир пас хавфли чиқди. Маунтнинг зарбаси эса вазиятни кўкка совурди.

    • 32'

      Мартинес шогирдлари яхши прессинг уюштирмоқда. Тартибли ҳимояланаётган мезбонлар рақиб учун муаммо туғдиряпти.

    • 31'

      Шеригининг узатмасидан кейин тезкор қарши ҳужумга ўтган Лукакуни Мингс усталик билан тўхтатиб қолди.

    • 29'

      Грилиш дарвозабон билан бирга-бир вазиятга чиқиб бориши мумкин эди. Бироқ ортдан етиб келган Алдервейрелд хавфни бартараф этди.

    • 27'

      Бельгияликлар жарима майдонига оширилган тўпларни бирин-кетин узоқлаштирмоқда.

    • 25'

      Тўп назоратини қўлга олган англияликлар ҳужумларни кескинлаштиришда қйиналмоқда.

    • 23'

      ГООООООООЛЛЛЛЛЛЛ! Мертенс жарима зарбасини голга айлантирди!

      Стандарт вазиятни қойилмақом тарзда ижро этган Дрис Мертенс ҳисобни ишончли кўринишга келтириб қўйди.

    • 22'

      Зарба йўллаш учун ажойиб имконият ҳосил қилган Де Брюйнени Райс қўполлик эвазига тўхтатди. Кевиннинг ўзи учун яхши стандарт вазият.

    • 21'

      Менье марказда қўполлик ишлатди. Тўп яна инглизларга олиб берилди.

    • 19'

      Саутгейт шогирдлари позицион ҳужумлар уюштиришда давом этмоқда.

    • 17'

      Де Брюйне бурчакдан узатма амалга оширди. Ҳимоячилар тўпни узоқлаштиришга муваффақ бўлди.

    • 15'

      Грилишнинг жарима майдони яқинидан йўллаган зарбаси ҳимоячига тегиб қайтди.

    • 14'

      Инглизлар ҳисобни тенглаштириш мақсадида олдинга ўтмоқда. Ҳужумлар хавфли тус оляпти.

    • 12'

      Узоқ масофадан берилган яна бир зарбани Куртуа ушлаб олди.

    • 11'

      Англия дарҳол тўпга реакция билдира олди. Бурчакдан оширилган тўпни Кейн дарвозага йўллади. Куртуага муаммо туғдирган тўпни Лукаку қайтариб юборди.

    • 10'

      ГООООООООООЛЛЛЛЛЛЛ! Тилеманс ҳисобни очди!

      Узоқ масофадан зарба йўллаган Юрининг уринишидан сўнг тўп Мингснинг оёғига тегиб, дарвоза тўридан жой олди.

    • 8'

      Вертонген ноаниқ узатмаси билан жамоасининг позицион ҳужумини барбод қилди.

    • 7'

      Майдон эгалари тўпни наорат қилмоқда.

    • 5'

      Денайер Грилишга нисбатан қоида бузди. Англияда яхши стандарт юзага келди.

    • 3'

      Инглизлар ўйинни фаолроқ бошлади. Кейн жарима майдони ташқарисидан зарба берди.

    • 1'

      Ўйин бошланди!

    • 0'

      Сардорлар иштирокидаги расмий жараёнлар ортда қолди. Ўйин бир неча сониялар ичида старт олади.

    • 0'

      Футболчилар майдонга тушиб келди. Миллий мадҳиялар янгради.

    Матнда хатолик топсангиз, ўша хатони белгилаб, бизга жўнатинг (Ctrl + Enter)