Миллатлар Лигаси. Босния - Италия: Матнли трансляция

Ассалому алайкум, муҳтарам футбол ихлосмандлари. УЕФА Миллатлар Лигаси 6-туридан ўрин олган Босния - Италия учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+3'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+1'

  Инсиньенинг зарбаси ноаниқ кетди.

• 90'
  

  Асосий вақтга 3 дақиқа қўшиб берилди.

• 88'

  Ўйин сўнгида ҳам меҳмонлар фаолликни тўхтатмаяпти.

• 85'

  Кевин Лазаньянинг зарбаси кучли, бироқ ноаниқ чиқди.

• 82'
  

  Синиса Саничанин жароҳат олиб, майдонда ётибди.

• 80'
  

  Бенжамин Татар захирага олинди. Унинг ўрнига Амар Рахманович ўйинга қўшилди.

• 77'
  

  Миралем Пьянич майдонни тарк этди. Унинг ўрнида Владан Данилович ҳаракат қилади.

• 74'
  

  Италияликлар навбатдаги бурчак тўпидан наф чиқара олишмади.

• 71'
  

  Раде Крунич ўрнига Стипе Лончар майдонга тушди.

• 68'
  

  ГООООООООООЛЛЛЛЛЛЛ! Берарди ҳисобни ишончли кўринишга келтириб қўйди.

  Жоржиньонинг заргарона узатмасини Берарди дарвозага тўғирлаб юборди.

• 65'
  

  Рақибига нисбатан қўполлик ишлатган Берарди ҳам сариқ карточкага лойиқ кўрилди.

• 63'
  

  Адван Кадушич огоҳлантирилди.

• 60'
  

  Бурчак тўпини тезда ўйинга киритган итальянлар хавфли вазиятга эга бўлди: Ачербининг зарбасидан кейин тўп устундан қайтди.

• 57'

  Италиянинг қарши ҳужуми Инсиньенинг ноаниқ узатмаси натижасида тўхтаб қолди.

• 53'

  Локателли жарима майдони яқинида рақибига нисбатан қоида бузди. Ҳакам жарима зарбаси белгилади.

• 50'

  Белотти яхши позиция танлаб, тўпни қабул қилди. Бироқ зарба кўнгилдагидек чиқмади.

• 48'

  Бенжамин Татар жарима майдонига уирмай зарба берди. Тўп устун ёнгинасидан ўтиб кетди.

• 46'
  

  Иккинчи тайм бошланди!

• 45+2'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 44'

  Жарима майдони ичидан Амер Горяк ноаниқ зарба йўллади.

• 42'

  Тайм сўнгини Италия фаолроқ ўтказмоқда. Уларнинг ҳужумлари хавфлироқ чиқяпти.

• 39'
  

  Қарши ҳужумга ўтган Инсинье жамоасига вазият олиб келди. Лоренцо яхши дриблинг намойиш этиб, зарба берди. Дарвозабон тўпни ушлаб олди.

• 37'
  

  Смаил Превлякнинг яқин масофадан берган зарбасини Доннарумма қайтарди.

• 33'
  

  Бенжамин Татар воқеалар ривожидан игарилаб кетди.

• 30'

  Раде Крунич бир рақибидан ўтишни уддалади. Бироқ кўпчилик бўлиб олган италияликлар вазият кескинлашишига йўл қўймади.

• 27'

  Инсиньенинг ўзига хос услубда, дарвозабонни чалғитувчи зарбасига бироз аниқлик етишмади.

• 24'

  Мезбонлар ҳужумда қоида бузди. Тўп Пьяничнинг қўлига тегиб кетди.

• 22'
  

  ГООООООООООЛЛЛЛЛЛЛ! Белотти ҳисобни очди!

  Инсенье узатган тўпни Андреа дарвозага киритди.

• 20'

  Алессандро Флоренци бўш ҳудудга югурди. Бироқ ортдан етиб келган рақиблар унга зарба бериш имкониятини қолдирмади.

• 17'

  Чррлука тўпни жарима майдонига оширди. Ҳимоячилар уни қайтарди.

• 14'

  Ҳозирча, назорат "скуадро адзурро" томонда.

• 11'
  

  Боснияликлар ўта оддий вазиятда ўйиндан ташқари ҳолатда қолиб кетишди.

• 10'

  Жарима майдони марказига Барелла тўп оширди. Ҳимоячи катта қийинчилик билан тўпни майдон ташқарисига чиқариб юборди.

• 7'

  Майдон эгаларининг ҳужумларини италиялик ҳимоячилар осонликча бартараф этишга муваффақ бўлмоқда.

• 5'
  

  Мезбонлар бурчак тўпини амалга оширди. Бироқ ҳужумда қоида бузилганлиги учун ҳакам тўпни меҳмонларга олиб берди.

• 3'

  Кутилганидек, ўйинни италиялликлар фаолроқ бошлади. Тўп назорати Манчини шогирдларида.

• 1'
  

  Ўйин бошланди!

• 0'

  Сардорлар иштирокидаги расмий жараёнлар ортда қолди. Старт учун барчаси шай!

• 0'

  Футболчилар майдонга тушиб келди. Миллий мадҳиялар янгради!