Миллатлар Лигаси. Босния - Нидерландия: Матнли трансляция

Ассалому алайкум, муҳтарам футбол ихлосмандлари! Бугун УЕФА Миллатлар Лигаси доирасида Босния ҳамда Нидерландия терма жамоалари ўртасидаги баҳс бўлиб ўтади. Уни сизлар билан Жавоҳир Азимов кузатиб боради.

• 90'
  

  Учрашув якунланди! Матнли трансляция Жавоҳир Азимов томонидан олиб борилди!

• 90'

  Ўйин сўнгида Бабель жамоасига ғалабани олиб бериши мумкин эди. Аммо у қулай позициядан зарба бера олмади.

• 90'
  

  Асосий вақтга 4 дақиқа қўшиб берилди.

• 88'

  Баҳс сўнгини меҳмонлар бироз фаол ўтказмоқда. Ғалаба уларга кўпроқ зарур.

• 86'
  

  Натан Аке ва Бабель ўйинга қўшилди. Уларнинг ўрнига Дэйли Блинд ҳамда Промес захирага олинди.

• 85'

  Жарима майдони марказига ташлаб берилган тўпни Френки дарвозага йўллади. Аммо унинг зарбаси йўлига ҳимоячилар тўғаноқ бўлди.

• 84'

  Хожик қанотдан яхши ёриб кирди. Аммо тўпни ўзидан бироз узоқлаштириб юборди.

   

• 81'

  Френки Де Йонг ўзининг чиройли ҳаракатлари билан зерикарли ўйинга безак киритишга ҳаракат қилмоқда.

• 78'
  

  Бурчакдан оширилган тўпни дарвозага йўллаган Люк Де Йонгнинг зарбасини ҳам Шехич бартараф эта олди.

• 77'
  

  Вейналдумнинг заргарона узатмасидан кейин дарвозабон қаршисида ёлғиз қолган Френкининг зарбасини дарвозабон қайтарди.

• 75'
  

  Пьянич ҳамда Крунич майдонни тарк этди. Уларнинг ўрнига Хожич ва Лончар ўйинга қўшилди.

• 72'

  Жарима майдони ичида Френки рақибига қарши қоида бузди. Ҳакам ўйинни тўхтатди.

• 69'
  

  Жеконинг қулай узатмасидан кейин зарба позициясига чиққан Пьяничнинг уринишини дарвозабон қайтарди.

• 68'

  Ван Дейк елкама-елка курашда Жекога имконият қолдирмади.

• 65'
  

  Майдон эгалари бурчак зарбасидан наф чиқара олишмади.

• 64'

  Голландларнинг навбатдаги ҳужуми бесамар якунланди.

• 61'
  

  Милан Журич ўрнига Эдин Жеко майдонга тушди.

• 59'

  Меҳмонлар позицион ҳужум уюштирмоқда. Аммо ҳимоячиларнинг сергак ўйини жарима майдонига ёриб киришга имкон қолдирмаяпти.

• 57'
  

  Хажикадуничга тиббий ёрдам кўрсатилмоқда.

• 54'
  

  Татар ўз ўрнини Хажиахметовичга бўшатиб берди.

• 53'

  Де Бур шогирлари эрта прессинг уюштирмоқда. Натижада, меҳмонлар ҳимоячилари саросимада қолмоқда.

• 51'
  

  Вейналдумнинг зарбаси аниқ, аммо кучсиз чиқди.

• 50'

  Френкининг жарима майдони ичига узатмасига шериги ета олмади.

• 48'

  Боснияликларнинг камсонли ҳужумларидан навбатдагиси ноаниқ пас туфайли узилиб қолди.

• 46'
  

  Иккинчи тайм бошланди!

• 46'
  

  Бўлимлар оралиғида майдон эгалари сафида ўзгариш: Колашинац Кадушич ўрнига ўйинга қўшилди.

• 46'

  Футболчилар майдонга қайтди. Биз ҳам қайтамиз!

• 45'
  

  Биринчи бўлимга вақт қўшиб берилмади. Танаффус!

• 44'
  

  Рақибига нисбатан қўпол ўйнаган Кадушич огоҳлантирилди. Тайм сўнгида голландларда стандарт вазият юзага келди.

• 42'

  Де Йонгнинг бош билан йўллаган зарбаси бироқ ноаниқ кетди.

• 40'

  Меҳмонларнинг бурчак зарбасидан жарима майдони ичида Промес тўпни қабул қилиб олди. Лекин ҳимоячилар унга зарба бериш имкониятини қолдирмади.

• 38'

  Де Бур шогирдлари яхши ҳужумлар уюштирмоқда. Бироқ бундан фойда чиқариш имкони бўлмаяпти.

• 35'

  Меҳмонларнинг навбатдаги ҳужуми ноаниқ узатма натижасида узилиб қолди.

• 33'

  Голлан ҳимоячилари сунъий офсайд яратишда яхши ҳаракат қилмоқда. Журич яна бир бор ўйиндан ташқари ҳолатда қолиб кетди.

• 32'

  Де Рон марказда рақибига нисбатан бироз қўпол ўйнади. Ҳакам уни оғзаки огоҳлантирди.

• 29'

  Тезкор қарши ҳужумга ўтган меҳмонлар Промеснинг ноаниқ зарбаси туфайли ортга қайтишга мажбур бўлди.

• 28'

  Кутилмаганда мезбонлар ажойиб комбинация билан рақиб жарима майдонига ёриб кирди. Аммо ҳал қилувчи вазиятда бироз хотиржамликка йўл қўйишди.

• 26'

  Майдон эгалари ҳам биро муддат тўпни назорат қилишга ҳаракат қилмоқда. Аммо рақиб бунга имконият қолдирмаяпти.

• 24'
  

  Журич сунъий офсайд қурбони бўлиб қолди.

• 23'

  Ван Дейк қанотдан узатилган барча тўпларни қайтармоқда. Бугун мезбонлар ҳужумчиларига осон бўлмаслиги тайин.

• 21'

  Тўпни рақибидан тезда олиб қўяётган голландлар олдинга ўтишга шошилмаяпти.

• 18'

  Ван Дейк дарвозабон билан бирга-бир вазиятга чиқиб кетаётган рақибини тўхтатди.

• 16'
  

  Боснияликларнинг бурчак зарбаси бесамар якунланди.

• 13'

  Меҳмонлар рақиб жарима майдони атрофида узатмалар амалга ошириб, қулай фурсат пойламоқда.

• 10'

  Нидерландияликлар рақиб устидан тўлиқ устунлик қилмоқда.

• 8'

  Меҳмонлар қанотларни тез-тез алмаштириб, рақибларини чарчатишга ҳаракат қилмоқда.

• 5'

  Де Врейнинг бош билан берган зарбасига аниқлик етишмади.

• 3'

  Майдон эгалари илк дақиқалардан тўп назоратини қўлга олишга ҳаракат қилмоқда.

• 1'
  

  Учрашув бошланди!

• 0'

  Футболчилар майдонга тушиб келди. Миллий мадҳиялар янгради. Старт учун барчаси шай!