Миллатлар Лигаси. Португалия - Швеция: Матнли трансляция

Ассалому алайкум, қадрли футбол ишқибозлари. УЕФА Миллатлар Лигаси 4-туридан ўрин олган Португалия - Швеция учрашуви бўлиб ўтмоқда. Уни сизлар билан Жавоҳир Азимов кузатиб боради.

Португалия

  • Бернарду Силва 21'
  • Диогу Жота 44', 72'

Европа миллатлар лигаси. "А"-гуруҳи. 3 4-тур

15/10/2020, 00:45

3
:
0
Тугади

Швеция

    Стадион: Estadio Jose Alvalade 5000 томошабин

    Бош ҳакам: Srdjan Jovanovic

    45'
    90'

    • 90+3'

      Учрашув якунланди! Матнли трансляция Жавоҳир Азимов томонидан олиб борилди!

    • 90+2'

      Канселу жарима майдони ичида ўзидан тўпни узоқлаштириб юборди.

    • 90'

      Асосий вақтга 3 дақиқа қўшиб берилди.

    • 88'

      Кулусевски ҳамда Берг ўрнига Ларссон ва Ульссон майдонга тушди.

    • 86'

      Рақибига ортдан зарба берган Бруну Фернандеш жазоланди.

    • 84'

      Бу сафар Патрисиу дарвозаси томон йўналтирилган аниқ зарбаси қайтаришга эришди.

    • 81'

      Данилонинг бош билан йўллаган зарбасини Ольсен ушлаб олди.

    • 80'

      Жоау Моутинью Вильям Карвалью ўрнига майдонга тушди.

    • 79'

      Қарши ҳужумга ўтаётган Бруну Фернандешни қўполлик билан тўхтатиб қолган Маркус Берг огоҳлантирилди.

    • 77'

      Устунлик ҳамон майдон эгаларида. Шведларда умид қолмагандек, гўё.

    • 75'

      Бернарду Сильва ҳамда Жоау Фелиш ўрнига Андре Сильва ва Даниэль Поденсе майдонга тушди.

    • 72'

      ГООООООООООЛЛЛЛЛЛЛ!

      Диогу Жотадан ажойиб соло юриш ва қойилмақом зарба! Қанотдан ёриб кириб, дарвозабонга ҳеч қандай имконият қолдирмаган Жота ҳисобни йирик кўринишга келтирди.

    • 71'

      Швеция бош мураббийи Ян Андерсон ҳакамнинг қарорларига эътироз билдиргани учун сариқ карточкага лойиқ кўрилди.

    • 69'

      Исак ҳужумда қоида бузди. Жарима майдони ичида у Пепени қўллари билан туртиб юборди.

    • 67'

      Дарвозабон билан бирга-бир вазиятга чиқиб борган Фелиш ноаниқ зарба берди. Жуда қулай имконият қўлдан кетди.

    • 65'

      Экдаль рақиб жарима майдонидаги палапартишликдан фойдаланиб, зарба йўллади. Тўп тўсин юқорисидан ўтиб майдонни тарк этди.

    • 62'

      Робин Квайсон ўз ўрнини Александр Исакка бўшатиб берди.

    • 60'

      Ўйиннинг 1 соат вақти ортда қолган бир пайтда, португаллар катта устунликка эришмоқда.

    • 59'

      Бурчакдан етказиб брилган тўпга Жота ноаниқ зарба берди.

    • 58'

      Бернарду рақибини хатосидан кейинг тўпни эгаллаб, олдинга ўтди ва зарба берди. Тўп ҳимоячининг оёғига тегиб, майдонни тарк этди.

    • 57'

      Катта тезликда олдинга ўтаётган Жотани қўллари билан ушлаб қолган Кристоффер Олссонга сариқ карточка кўрсатилди.

    • 55'

      Клаэссон узоқ масофадан кучли зарба йўллади. Патрисиудан супер сейв!

    • 54'

      Микаэль Лустига майдондан олинди. Унинг ўрнига Маттиас Юханссон ўйинга қўшилди.

    • 53'

      Сильва ўзидан ҳам қулай позицияда турган Брунуга тўпни ташлаб берди. Фернандешнинг зарбаси ҳимоячига тегиб қолди.

    • 52'

      Рақибининг оёғини босиб олган Жота огоҳлантирилди.

    • 50'

      Ҳисобда олдинда бораётган мезбонлар марказда тўпни назорат қилмоқда.

    • 48'

      Бергнинг бош билан йўллаган аниқ зарбасини Патрисиу қайтарди.

    • 47'

      Пепе ва Карвалью бир-бирларига ишониб, рақибни ўтказиб юборди. Бироқ Диаш хавфни бартараф эта олди.

    • 46'

      Иккинчи бўлим бошланди!

    • 46'

      Футболчилар майдонга қайтмоқда. Биз ҳам қайтамиз!

    • 45+2'

      Танаффус!

    • 45+1'

      Бергнинг яқин масофадан берган зарбаси ҳимоячига тегиб, ўз йўналишини ўзгартирди.

    • 45'

      Биринчи таймга 2 дақиқа қўшиб берилди.

    • 45'

      Буруну Фернандешнинг жарима майдони ташқарисидан берган зарбасини Ольсен ушлаб олди.

    • 44'

      ГООООООООООЛЛЛЛЛЛЛ!

      Шеригидан қулай пас қабул қилиб олган Жота жарима майдони ичидан кучли зарба йўллаб, дарвозабонга имконият қолдирмади.

    • 41'

      Янссон рақиб жарима майдони ичида қоида бузиб, жамоасининг ҳужумини барбод қилди.

    • 39'

      Қанотдан ёриб кирган Кулусевски тўпни ўзида жуда узоқ вақт ушлаб қолди. Натижада, ортдан етиб келган Данило ундан тўпни олиб қўйди.

    • 36'

      Тезкор қарши ҳужумга ўтаётган Карвальюнинг қўполлик эвазига тўхтатиб қолган Экдаль огоҳлантирилди.

    • 35'

      Берг бу сафар жарима майдонига ёриб кириб, кучли зарба йўллади. Бироқ тўп устунга тегиб, майдонни тарк этди.

    • 34'

      Шведларнинг аксарият ҳужумлари зарбагача етиб бормаяпти.

    • 32'

      Жота ҳужумда қоида бузди.

    • 29'

      Данило Перрейра жарима майдонига яқин жойда Бергни йиқитди. Меҳмнларда стандарт вазият юзага келди.

    • 27'

      Пепега нисбатан Берг қўполлик ишлатди. Ҳакам уни бу сафар оғзаки огоҳлантирди. Кейингиси карточка бўлиши мумкин.

    • 26'

      Майдон эгалари стандарт вазиятга эга бўлишди. Жарима майдонига етказилган тўпни ҳимоячилар катта қийинчилик билан қайтарди.

    • 23'

      Гол ўтказиб юборган шведлар олдинга ўтди. Жарима майдонига оширилган тўпни Пепе қайтарди.

    • 21'

      ГООООООООООЛЛЛЛЛЛЛ!

      Бернарду Сильва ҳисобни очди! Португаллар эрта прессинг натижасида рақибдан тўпни олиб қўйиб, қарши ҳужумга ўтди. Жота жарима майдони ичида ўзидан-да қулайроқ вазиятда турган шеригини тўп билан таъминлади. Силва мўлжалда адашмади!

    • 20'

      Эндт шведлар тўпни назорат қилмоқда.

    • 18'

      Геррейро икки рақиби орасидан яхши чиқиб кета олди. Аммо тўпни ўзидан узоқлаштириб юборганлиги туфайли, уни йўқотди.

    • 16'

      Кулусевскининг узатмаси зарбага айланиб кетди. Бироқ вазият Патрисиу назорати остида эди.

    • 15'

      Майдон эгалари навбатдаги бурчак зарбасидан ҳам наф чиқара олишмади.

    • 14'

      Бернардунинг узатмасидан кейин Жота тўпни ўзига бўйсундира олмади.

    • 12'

      Бурчакдан оширилган тўп жарима майдони ичида турган Лустигга келиб тушди. Унинг зарбаси тўсин юқорисидан ўтиб кетди.

    • 10'

      Брунунинг зарбаси дарвозабонга катта йиқинчилик туғдириши мумкин эди. Бироқ ҳимоячи яхши ҳаракат қилиб, тўп йўлига тўғаноқ бўлди.

    • 9'

      Тўп назорати португалларда. Меҳмонлар эса прессинг уюштирмоқда.

    • 8'

      Экдалнинг узоқ масофадан йўллаган зарбаси ҳимоячига тегиб, майдонни тарк этди.

    • 7'

      Жотанинг марказга узатмаси хавфли чиқди. Ҳимоячилар қийинчилик билан уни қайтаришди.

    • 4'

      Мезбонларнинг яна бир ҳужумини Фелиш якунига етказа олмади. Унга нисбатан ҳимоячилар яхши қаршилик кўрсатишди.

    • 2'

      Дастлабки дақиқалардан олдинга ўтган Жота жарима майдони ташқарисидан хавфли зарба йўллади.

    • 1'

      Учрашув бошланди!

    • 0'

      Футболчилар майдонга тушиб келди. Миллий мадҳиялар янгради. Старт учун барчаси тайёр!

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Минбар

    Барча блоглар