Миллатлар Лигаси. Украина - Германия: Матнли трансляция

Ассалому алайкум, қадрли футбол ихлосмандлари! Бугун эътиборингиз марказида Миллатлар Лигаси доирасидаги Украина ҳамда Германия терма жамоалари ўртасидаги беллашувни тақдим этамиз. Уни сизлар билан Жавоҳир Азимов кузатиб боради.

• 90+5'
  

  Учрашув якунланди! Матнли трансляция Жавоҳир Азимов томонидан олиб борилди.

• 90+4'
  

  Серж Гнабри ўрнига Хаверц майдонга тушди.

• 90+3'

  Николай Шапаренконинг узоқ масофадан йўллаган зарбасига аниқлик етишмади.

• 90+2'

  Жарима майдонига ёриб кирган Эмре Жан йиқилиб тушди. Ҳакам унга ўрнидан туриши кераклигини уқтирди.

• 90'
  

  Асосий вақтга 4 дақиқа қўшилди.

• 90'
  

  Эмре Жан Клостерманни алмаштирди.

• 89'

  Ўйин сўнгини Шевченко шогирдлари ҳужумда ўтказмоқда.

• 87'
  

  Марлос воқеалар ривожидан бироз илгарилаб кетган эди.

• 85'

  Малиновскининг навбатдаги зарбаси хавфли, аммо бироз ноаниқ эди.

• 83'
  

  Гинтер уни алдаб ўтган рақибини йиқитгани учун огоҳлантирилди. Мезбонлар қулай стандартга эга бўлди.

• 82'
  

  Гнабри тезлиги эвазига қулай имкониятга эга бўлди ва зарба берди. Бироқ дарвозабон бу сафар ҳам яхши ўйин намойиш этди.

• 80'
  

  Вернер майдонга тушди. У Дракслерни алмаштирди.

• 78'

  Гол урган мезбонларнинг иштаҳаси очилиб кетди. Улар яна бир хавфли ҳужум уюштирди.

• 76'
  

  ГООООООООООЛЛЛЛЛЛЛ!

  Нуқта олдига яқинлашган Руслан Малиновски Нойерга имконият қолдирмади. Дарвозабон тўп йўналишини топган бўлса-да, уни қайтара олмади.

• 75'
  

  Зюле ўз жарима майдони ичида Яремчукни чалиб йиқитди. Ҳакам 11 метрлик нуқтага ишора қилди.

• 72'

  Яремчук жарима майдони ташқарисидан кучли зарба берди. Лекин зарба анча ноаниқ кетди.

• 71'

  Украинларнинг қарши ҳужумини Гинтер бартараф этди.

• 69'
  

  Шевченко Марлос ҳамда Зубковни майдонга туширди. Уларнинг ўрнига Циганков ва Ярмоленко захирага олинди.

• 66'
  

  Гинтернинг узоқ масофадан йўллаган зарбаси хавфли тус олди. Дарвозабон ўз ўрнида.

• 65'

  Клостерманнинг Гнабрига навбатдаги узатмасига ҳам етиш имконсиз эди.

• 63'

  Гнабрини бирга-бир вазиятга чиқариш учун берилган пас кучли кетиб қолди. Серж тўпга етган пайтда, жарима майдонидан чиқиб бўлганди.

• 60'

  Циганков яқин масофадан кучсиз зарба берди.

• 59'

  Лёв шогирдлари қанотларни тез-тез алмаштириб, рақибни чарчатишга ҳаракат қилмоқда.

• 57'
  

  Жарима майдони марказига узатилган тўпни Бушан қайтарди, иккинчи темп билан олдинга ўтган Клостерманнинг хавфли зарбасини ҳам бартараф этди.

• 55'

  Меҳмонлар орқа чизиқда тартибли ҳаракат қилиб, рақиб ҳужумларини зарарсизлантирмоқда.

• 53'
  

  Тони Кросс жарима майдони яқинида Малиновскини ортдан чалиб йиқитди. Ҳакам унга сариқ карточка кўрсатди.

• 51'
  

  Гнабрининг қулай узатмасидан сўнг яқин масофадан зарба берган Дракслернинг хавфли ва кучли зарбасини Бушан қайтарди.

• 49'
  

  ГООООООООООЛЛЛЛЛЛЛ!

  Қанотдан Клостерман марказга тўп узатди. Дарвозабон қўлларига келган тўпни ушлай олмади ва тўп Горецкага келди. Немис хавбеки бу совғани бажонидил қабул қилди.

• 48'

  Иккинчи таймни украинлар фаол ҳужум билан бошлади. Бироқ Нойер билан бирга-бир вазиятга чиқиш учун Яремчукка тезлик етишмади.

• 46'
  

  Иккинчи тайм бошланди!

• 46'

  Футболчилар майдонга қайтмоқда. Биз ҳам қайтамиз!

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 45'
  

  Горецканинг боши билан берган зарбасини дарвозабон ушлаб олди.

• 43'

  Кросснинг зарбаси хавфли кўриниш олди.

• 41'
  

  Гинтерга нисбатан қўполлик ишлатган Малиновски огоҳлантирилди. У кейинги ўйинни ўтказиб юборади.

• 40'

  Лёв шогирдлари марказда тўпни назорат қилиб, рақибнинг бўш ҳудудларини изламоқда.

• 37'

  Устунлик тўлиқлигича немислар томонга ўтиб кетди.

• 35'
  

  Бушандан навбатдаги суперсейв! Бу сафар Гнабрининг яқин масофадан йўллаган зарбасини мезбонлар кипери қайтарди.

• 33'

  Ярмоленко ҳаводан келаётган узатмани ўзига бўйсундира олмади. Яна бир ҳужум бесамар якунланди.

• 31'
  

  Киммихдан супер зарба, дарвозабондан худди шундай сейв!

• 29'

  Украинлар ўз сардори Ярмоленконинг талабларига жавоб бера олмаяпти. Жамоа етакчиси бундан асабийлашмоқда.

• 27'

  Дракслернинг узоқ масофадан берган зарбаси бироз кучсиз чиқди.

• 25'

  Жарима майдони ичида Гнабри тўпни тўхтатишни уддалай олмади. Қулай вазият қўлдан кетди.

• 22'

  Рюдигер марказда Ярмоленкога нисбатан қўполлик ишлатди. Украинлар сардори майдонда ётибди.

• 20'
  

  ГООООООООООЛЛЛЛЛЛЛ!

  Жарима майдони марказидан зарба берган Гинтер ҳисобни очди. Унга тўпни яна бир марказия ҳимоячи Рюдигер етказиб берган эди.

• 17'

  Малиновски язши Тони Кроссдан тўпни олиб қўйиб, зарба позициясига чиқиб борди. Аммо ҳакам немис хавбекига нисбата қўполлик ишлатилган, деб топди.

• 15'

  Ҳар икки жамоа вакиллари ҳам анча хавфли ҳужумлар уюштирмоқда. Лекин сўнгги лаҳзада унга нуқта қўйиш осон кечмаяпти.

• 13'

  Клостерманнинг жарима майдонига узатмаси йўналишини ўзгартириб, дарвозага кириб кетишига бир баҳя қолди. Аммо дарвозабон ўз ўрнида.

• 12'

  Шевченко шогирдлари яхши ўйланган комбинациялар ташкиллаштирмоқда. Аммо ижро масаласи бироз оқсамоқда.

• 10'

  Тезкор қарши ҳужумга ўтган украинлар жарима майдони ичида тўпни йўқотди. Аммо эрта прессинг уюштириб, рақибни саросимага туширишни уддалади.

• 8'
  

  Дарвозабондар пас қабул қилиб олган Ярмоленко ўйиндан ташқари ҳолатда қолиб кетган эди.

• 7'

  Немислар қанотларни фаол ишга солмоқда.

• 5'
  

  Гнабрининг узоқ масофадан йўллаган зарбасини мезбонлар посбони қайтарди.

• 3'

  Илк дақиқаларда тўп назорати тез-тез алмашмоқда.

• 1'
  

  Учрашув бошланди!

• 0'

  Жамоалар майдонга тушиб келди. Миллий мадҳиялар янгради. Старт учун барчаси тайёр!