Миллиардер нега камроқ маошга рози бўлмоқда? Уни Манчестерда кутишмоқда!

SPORTS.uz сайёрамизнинг энг бадавлат футболчиларидан бири - Криштиану Роналду борасида фикр юритади.

Унинг МЮга нима кераги бор?

Яқиндагина Глэйзерлар оиласи ва Вудворд Кришнинг имкониятларига паст баҳо берган эди. Қария, худбин ва жуда қиммат! Энди эса, вазият тубдан ўзгариб кетди. Гап шундаки, «Ювентус» раҳбари Андре Аньелли ишдан олинди.

У кетгач, Роналду ўйлаб ўтирмай, бошқа жамоага йўл олади. Сўнгги маълумотларга қараганда, Турин клуби тепасига янги режаларга эга инсонлар келиши кутилмоқда. Уларнинг режасида Кришга ўрин йўқ.
«Манчестер Юнайтед» эса, Суперлигада иштирок этиш мақсадини Роналдунинг трансфери билан ювиб кетмоқчи. «Арсенал» сингари оғир аҳволга тушиб қолмаслик учун яхши трансферни амалга ошириш сув ва ҳаводек зарур. Уларни кўтарилиб кетмаслиги учун ҳам Криш ортга қайтарилади.

jgiwrjgirweg

Роналдуга буни нима кераги бор?

Ҳозир Турин клубида инқилоб юзага келиш арафасида. Раҳбарият тўлиқ алмашиб кетиши мумкин. Бундан ташқари, бир нечта футболга оид воқеалар ҳам бунга сабаб. «Беневенто»га енгиладиган клуб Роналдунинг осмонга қадар орзуларини рўёбга чиқаришга қодир эмас. Португалиялик чемпионлик учун янги саргузаштларга ўч. А Серияда эса, интрига «Юве»нинг қоқилганидан сўнг бошланди.

Конте «Интер»га келгач, барча Турин клуби учун оғир кунлар бошланганини тахмин этгани аниқ. «Манчестер Юнайтед» Сульшер бошқарувида Англиядаги иккинчи куч! ЕЧЛ йўлланмаси нақд. АПЛ бир неча баробар кўпроқ аудиторияга эга. Кетиш олдидан яна бир «олтин тўп»ни қўлга киритиш учун бу энг зўр имконият!

jkgerijgierjg

«Юве»га бундан нима наф?

Роналду кўрпани ўзига тортибгина қолмай, пулни ҳам жуда катта олади. Ўтган йили «Ювентус» кўрган зарар 168 миллион еврони ташкил этди. Қарзлар умумий ҳисобда 742 миллиондан ортиб кетган. Вазият қалтислашиб бормоқда. Биргина Роналдунинг трансфери ва маоши бу қарзларнинг 3/1 қисмини ташкил этади. Клуб тарихидаги энг қиммат футболчи эса, жамоа либосини мухлислар томон улоқтириш билан банд.

«Ювентус»дан кўра, унинг персонал мухлислари сони кўп. Жамоа «Порту»дан мағлуб бўлганида, ҳамма «зебралар»га эмас, 7-рақам эгасига ачинди. Қилинган сармоя иш бермагач, Роналдуни сотиб юбориш ақлли қарор. Боз устига, келаси мавсумда Роналду эркин агентга айланади. Унинг трансферидан пул ишлаб олиш учун сўнгги имкониятни италияликлар қўлдан чиқармаса керак.

Сульшерга буни нима кераги бор?

Биринчи навбатда жамоавий ўйинни ва вазиятлардан фойдаланишни яхшилаб олмоқчи. Криш қотил ҳужумчи. Норвегияликнинг қўл остида ажойиб жамоа бор, лекин дунё даражасидаги ижрочилар йўқ. Эътибор қаратинг: ЕЧЛда «Лейпциг» МЮни гуруҳда қолдириб кетди, «Лестер»да улғайган футболчи ҳозир жамоа сардори, Поль Погба нима қилаётганини ўзи ҳам билмайди. «Юнайтед»га туғма етакчи ҳозир ҳар қачонгиданда муҳим.

Ҳозир Роналдунинг АПЛга қайтиши ишониб бўлмас воқеадек бир гап, лекин унинг «Реал»дан кетиши олдидан ҳам шундай бўлган эди. Мендеш мижозини мураккаб аҳволда қолдирмайдиган агентлардан. Умуман олганда, Сульшер ўз жамоаси 5 бор «олтин тўп»ни ютган йигит билан янада кучлироқ бўлишини сезиб турибди.

gkeroghkoekrhoekrh

Трансфердан Роналдунинг оиласи нима ютади?

Криш фарзандларининг таълим олиши учун қўлидан келган барча имкониятларни яратиб беришга одатланган. Бунинг учун Англиядан яхшироқ вариантни топиш мушкул. Қўшимчасига, кейинги манзил МЛС бўлади. Болалари сафар олдидан инглиз тилини ўзлаштириб олиши учун ҳам Англияга кўчиб келиш фойдали бўлади.

Йўлланган ўқитувчилар яхши, лекин тилни инсонлар орасида ўзлаштириш бир мунча қулайроқ. Жоржина ўзи учун қулай бўлган АҚШга кўчиб кетиш олдидан бир неча йил Англияда истиқомат қилишга қарши эмас. Роналдунинг катта ўғли ҳам инглиз футболидан хабар топиши мумкин. У отаси сингари супер даражага кўтарилиши учун жисмонан бақувват бўлиши шарт.Бу имкониятни «туманли альбион»дан бошқа ерда ҳеч ким яратиб бермайди. Умуман олганда, трансфер Роналдунинг оиласи учун ҳам айни муддао!

Жаҳон футболи учун бу трансфер керакми?

Аслида, Италия Криш учун ҳар томондан қулай вариант. Солиқлар кам, ҳаёт тинч, об-ҳаво идеал. Шунга қарамай, ўзгаришлар вақти келди. Криш шунчаки мавсум ўтказишга одатланмаган. У ўз фаолиятида совринсиз ўтказган мавсуми бўлиши мумкинлиги ҳақида ўйлашни ҳам истамайди. Уни Парижга таклиф этишмоқда, лекин уларнинг шортлистида Лео Месси ҳам бор.

Ўз-ўзидан қаҳрамонимиз бошқа вариант устида ҳам ишлаши керак. Айни дамда, «Манчестер Юнайтед»дан қулайроқ таклиф йўқ. МЛС ёки Араб клубларига йўл олишга эрта. «Олд Траффорд»га унинг қайтиши кинолардаги сценарийдан ҳам аъло даражада кўриниш олади. Мухлислар оқими, «Юнайтед»нинг бренди ҳам анча юқорилайди.

Роналдунинг туғма чемпион эканлигини инобатга олсак, «қизил иблислар»да янги даражага кўтарилиш учун барча имконият мавжуд. Хўш, бу трансфердан мухлислар нима ютади? Фикрингизни албатта изоҳларда қолдиринг!

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Jovlon Norboyev
07/05/2021 19:25
CriRo " COME BACK AT HOME "

Минбар

Барча блоглар