Миржалол Қосимов: Футболчилар бугун мухлисларга ёқадиган ўйин намойиш этишди
Pepsi Суперлигаси 23-туридан ўрин олган "Бунёдкор" - "Бухоро" учрашувидан сўнг ўтказилган матбуот анжуманида "қардирғочлар" устози Миржалол Қосимов учрашув борасидаги ўз фикр ва мулоҳазалирини билдириб ўтди.
"Қайд этилган натижадан қониқдим. Бугунги ўйинга тўлиқ таркиб билан унча кўп ҳозирлана олмагандик. Зеро аксарият футболчиларимиз турли ёшдаги терма жамоаларимиз ихтиёрида эди.
Сўнгги 3-4 кунгина биргаликда машғулот ўтадик. Лекин шундай бўлса ҳам йигитлар бугун мухлисларга ёқадиган ўйин намойиш этишди. Бунинг учун улардан миннатдорман ва бизни қўллаб-қувватлаган мухлисларимизга ҳам раҳмат айтаман. Улардан стадионга кўпроқ келишларини сўраб қолган бўлардим", - деди Қосимов.
Фикрлар