Миржалол Қосимов нега "Навбаҳор"га қарши ўйиндан сўнг матбуот анжуманида иштирок этмади?

Суперлиганинг 4-туридан ўрин олган АГМК – “Навбаҳор” (2:1) ўйинидан сўнг, олмалиқликлар мураббийи Хайрулла Каримов учрашув ҳақидаги фикрлари билан ўртоқлашди.

- Курашларга бой, ажойиб ўйин гувоҳи бўлдик. Икки ҳафталик танаффус барибир, ўз таъсирини кўрсатмай қолмайди. Шунга қарамай, ҳар икки жамоа жанговар, чиройли футбол намойиш этди. Ўйин мухлисларга ҳам ёқди, деб ўйлайман. Биринчи бўлимда ўйинимиз бироз қовушмади, лекин иккинчи бўлимда футболчиларимиз ўйинни кучайтирди ва ўйлаган мақсадимизга эришдик. Бош мураббийимизни раҳбарлар чақириб қолишгани сабабли, узр сўраб, матбуот анжуманига чиқолмади. VAR ҳақида гапирадиган бўлсам, пенальти белгиланган вазиятларда қоидабузарлик бор экан, 11 метрли жарима зарбалари белгиланди. Иккинчи бўлимда кўрган бўлсангиз, “Навбаҳор” узун паслар билан ўйнашга ҳаракат қилди, чунки уларнинг сафида бўйи баланд футболчилар кўп эди. Шунга қарамай, йигитларга раҳмат, қўлларидан келганча ҳаракат қилиб, ғалабага эришишди. Фортесда кичик жароҳат борлиги, қолаверса, ўйини унча чиқмаганлиги сабабли бош мураббий уни алмаштирди.