Миржалол Қосимов:
Ads

PEPSI Суперлига 11-турида “Сўғдиёна” ўз майдонида “Бунёдкор” клубини қабул қилди ва 1:2 ҳисобида мағлубиятга учради. Ўйиндан сўнг “Бунёдкор” жамоаси бош мураббийи Миржалол Қосимов ва ўйиннинг энг яхши футболчиси деб топилган Рустам Ашурматовлар матбуот анжуманида иштирок этди. Бу ҳақда Жиззах клуби матбуот хизмати хабар бермоқда.

"Охирги турларда жуда қийин ўйинларни ўтказдик. “Насаф”га қарши баҳсда жуда кўп куч йўқотдик. Қисқа муддат ичида “Сўғдиёна”га қарши тайёргарлик олиб бориш ва шу билан бирга футболчиларни рухан тайёрлаш зарур эди. Ўйин оғир кечди. Рақиблар қарши хужум тактикасини танлади ва беш ҳимоячи билан ўйнади. Бу эса бизга қийинчилик туғдирди. 11 кишини ёриб кириш осон эмас. Футболчилар майдонда яхши ҳаракат қилишди ва 2 та гол киритиб ўйлайманки хақли ғалабага эришдик", - деб айтиб ўтди Миржалол Қўшоқович.

Рустамжон Ашурматов: Ҳамма учрашувлар ҳам қийин кечмоқда. Сергей Иванович жамоани яхши шакллантирган. Рақиблар бизга қарши жуда яхши ҳаракат қилишди. Биз ҳам бўш келмадик ва ўз олдимизга қўйган мақсадимизга эришдик.

Минбар

Барча блоглар