Миржалол Қосимов: "Сурхон"га ҳам тан бериш керак

Суперлиганинг 7-туридан ўрин олган “Сурхон” – АГМК (0:1) учрашувидан сўнг, меҳмонлар устози Миржалол Қосимов ўзининг ўйин ҳақидаги фикрларини билдириб ўтди.

- ОЧЛдан кейин узоқ йўл босиб келдик, қолаверса, ўйин куни рейс бўлгани учун Термизга эрталаб азонда учиб келдик. Кўпчилик футболчилар саҳарликка туриб, дам олмаганди. Термизга келиб 2 соатча дам олишди. Футбол ўйнаганлар яхши билади, муҳим мусобақадан кейинги биринчи баҳс доим оғир кечади.

Шунга қарамай, футболчиларим ҳар жабҳада яхши ҳаракат қилишди. Биринчи таймда ташаббус биз томонда бўлди, гол урдик, Касьянда яхши имконият бўлганди. "Сурхон"га ҳам тан бериш керак, улар охиргача курашишди. Менимча сўнгги сонияга қадар мухлисларни ҳаяжонда ушлаб туришди. Ўйлайманки бугун ҳақли тарзда ғалабага эришдик.

АГМК матбуот хизмати