Мирко Еличич: "Менга керакли футболчилар банд"

Про лиганинг қолдирилган 8-туридан ўрин олган "Олимпик Мобиуз" - "Олимпик" (4:0) учрашувидан сўнг клуб матбуот хизмати "Олимпик" бош мураббийи Мирко Еличичнинг матбуот анжуманида билдирган фикрларини тақдим қилди.

"Бугунги ўйинда энг кучли жамоага қаршилик қилдик. Биз 60 дақиқа яхши ўйнадик, кейин эса ўйинни "ташлаб юбордик". Мувозанат ва интизом йўқолди. Позицияларни йўқотдик. Яхши ва ёмон жиҳатларни кузатдим".

- Иккинчи даврада "Олимпик" кучаядими? 

- Изланмоқдамиз. Айрим жамоалар футболчиларни беришга тайёр, аммо менга керакли бўлган футболчилар эса банд.

- Жамоадан нечта футболчи кетиши мумкин?

- Кўп футболчилар кетади, деб ўйламайман. Улар ҳали академия футболчилари. Клублар эса ёш футболчиларни кўп ўйнатишмайди. Ёши катта футболчиларимизга эса талаб кам.