Мисрга қарши баҳсда термамиз фаворитми? Қайси терма жамоанинг трансфер қиймати юқори?

Бугун Ўзбекистон Олимпия терма жамоаси "Париж-2024" 2-тури доирасида Мисрга қарши майдонга чиқади. Илк турда Испания билан анча ишончли ўйнаб, мағлубиятга учраган вакилларимизни бугун сув ва ҳаводек муҳим беллашув кутиб турибди. 

Ўзбекистон Олимпия терма жамоасининг кучи ва имкониятларини ҳаммамиз яхши биламиз. Бироқ таркибга янги қўшилган тажрибали футболчилар ҳамда умуман бошқа муҳитда улар ўзларини қандай ҳис қилиши муҳим. 

Элдор Шомуродов илк турдаги беллашувда гол урди ва унинг ҳозирги таркибда борлиги жамоа учун катта устунлик бериши керак. Шунингдек, Алиқулов ҳам ҳимоядаги ишончли ҳаракатлари билан "Қизил Фурия"га қарши баҳсда кўзга ташланди. Бироқ Остон Ўрунов Қатарда бўлиб ўтган Осиё чемпионатидаги каби бироз ишончсизроқ ҳаракат қилгани кўпчилик томонидан таъкидланди. Шундай бўлса-да, у ҳали Темур Кападзе жамоасида ўзини кўрсата олишига ишонамиз. 

Миср биз учун нотаниш эмас. Бундан бир йил аввал Аниқроғи, 16 ноябрда вакилларимиз ушбу термани ўз майдонида қабул қилган. Унда кутилмаганда термамиз 1:2 ҳисобида рақибга имкониятни бой бериб қўйган. Ўша ўйинда Адилов 27-дақиқада ҳисобни очган. Бироқ 73 ва ҳамда 90-дақиқаларда Мазҳар ҳамда Фаранг томонидан киритилган голлар эвазига африкаликлар ғалабани илиб кетганди. Ўша беллашувда асосий таркиблар қуйидагича эди: 



Гуруҳдаги ҳолат: 



Таркибимиздаги йўқотишлар: Ўзбекистон Олимпия терма жамоаси таркибида жароҳат олганлар йўқ. Бироқ Иброҳимҳалил Йўлдошев оилавий сабабларга кўра, Тошкентга қайтишга мажбур бўлган. 

Тахминий таркиб:

Дарвозабон: Абдувоҳид Неъматов;

Ҳимоячилар:  Зафармурод Абдираҳматов, Абдуқодир Ҳусанов, Ҳусниддин Алиқулов, Муҳаммадқодир Ҳамралиев;

Ярим ҳимоячилар: Абдурауф Бўриев, Жасур Жалолиддинов, Умарали Раҳмоналиев;

Ҳужумчилар: Аббосбек Файзуллаев, Остон Ўрунов, Элдор Шомуродов.

Хулоса қилиб айтадиган бўлсак, Мисрга қарши баҳсда термамиз фаворит. Кўрсатаётган ўйинимиз ва потенциал томондан вакилларимиз африкалик тенгдошларидан устун. Ҳатто  "Трансфермаркт" портали талқинига кўра, вакилларимизнинг трансфер қиймати 27,15 милилон еврони ташкил этса, мисрликларники 6,25'ни ташкил этади.