Митрович: "Ал-Ҳилол" "Реал"га ўхшайди

Александр Митрович Саудия Арабистонига кўчиб ўтгани ҳақида гапирди. 

Сербиялик форвард шу ёзда "Ал-Ҳилол" сафига келиб қўшилганди. У янги лигада 4 беллашувда 5 та гол уришга муваффақ бўлди. 

Саудия Арабистонида бахтлимисиз ёки Премьер-лигани соғиндингизми? 

- "Ал-Ҳилол"дан таклиф тушгач, бу ҳақда оилам билан гаплашдим. Рад этишнинг иложи йўқ. Мен Англияни соғинмаяпман. У ерда кўп йиллар ўйнадим. 

- Ниҳоят топ-клубга ўтганимдан хурсандман. "Ал-Ҳилол" Европадаги "Реал"га ўхшайди. 

- Чемпионат ҳали АПЛ даражасида эмас. Бироқ бу ерда одамларнинг футболга бўлган қизиқиши мени ҳайратга солди.