ММА бўйича Ўзбекистон ва Қирғизистон терма жамоалари баҳс юритди. Ҳамюртларимиз супер натижа қайд этди! (Видео)

Бугун, Қирғизистоннинг Бишкек шаҳрида “Мустақиллик байрами” муносабати билан ММА бўйича Ўзбекистон ҳамда Қирғизистон терма жамоаси ўртасида ўзига хос турнир ташкил қилиниши ҳақида хабар берган эдик.

Sports.uz сайтига маълум бўлишича бироз аввал мазкур қарама-қаршилик ўз якунига етган ва унда 10:0 ҳисобида Ўзбекистон терма жамоаси ғалаба қозонган. Яъни, 10 та вазн тоифасида иштирок этган ҳамюртларимизнинг барчаси қирғизистонлик рақибларини мағлубиятга учратган. 

Ушбу ажойиб натижа билан Ўзбекистон ММА ассоциацияси раҳбарияти ҳамда мутахассисларини, спортчиларнинг мураббийлари ва энг асосийси терма жамоа аъзоларини муборакбод этамиз. Ғалабалар бардавом бўлсин!