Модрич: "Биз ўз сифатимизни вазият қийинлашганда кўрсатамиз"

"Реал Мадрид" сардори Лука Модрич "Валенсия"га қарши кечган оғир баҳсдан сўнг ўз фикрлар билан ўртоқлашди. 
 
"Мана шундай ғалабалар бизга кубоклар ютишимизга катта ёрдам беради. Биз ҳар доим ўз даражамизни вазият қийинлашганда кўрсатамиз ва бу бизнинг ҳақиқий кучимиздир. Бунинг сабаби, ҳар бир футболчига "Реал” курашиш ва ҳеч қачон таслим бўлмасликни ўргатади. Бундай ғалаба қозониш ажойиб, бу эса футболчиларга катта ишонч бағишлайди. 
 
Биз Ла Лига етакчиси эканлигимиз инсонни хурсанд қилади. Шундай бўлса ҳам жамоам билан бирга қаттиқ ишлашда ва камтарлик билан ривожланишда давом этишимиз керак" - дея, таъриф бериб ўтди хорватиялик ҳавбек. 
 
Маълумот ўрнида, Испания Суперкубоги доирасида "қаймоқранглилар" 6 январь куни "Мальорка" билан куч синашади. Ушбу учрашув 23:00 да старт олиши режалаштирилган.