Модрич қачон фаолиятини якунлайди?

Мадриднинг “Реал” клуби ва Хорватия терма жамоаси ярим ҳимоячиси Лука Модрич фаолиятини якунлаши ва ёши ҳақида гапирди.

"Қачон нафақага чиқаман? Билмайман. Балки 40 ёшдадир. Балки кейинроқ ёки эртароқ. Кўрамиз. Мен деярли 37 ёшдаман, лекин ҳали ҳам ўзимни жуда яхши ҳис қиляпман. Ҳам жисмонан, ҳам руҳан. Мен дунёнинг энг яхши клубидаман ва клуб даражасига муносиб бўлиш учун ишлаяпман.

Мен замонавий футболда жуда муҳим бўлган жисмоний ҳолатимни сақлаб қолиш учун яна нималар қилиш бўйича ишлаяпман. Кўрамиз, қачонгача худди шу руҳда давом эта оламан!", - деди хорватиялик футболчи.

Маълумот учун, Модрич жорий мавсум "Реал" сафида жами 24 та ўйинда майдонга тушди ва 2 та гол урди.