Модрич "Реал"да қолади

Мадриднинг "Реал" клуби ярим ҳимоячиси Лука Модрич ўзининг келажак фаолияти борасида якуний қарорга келди.

Marca нашри тарқатган хабарга кўра 33 ёшли хорватиялик футболчи гарчи "Милан"дан жиддий таклиф бўлаётганига қарамай, “қироллик клуби”да қолади.

Маълумот учун, амалдаги “Олтин тўп” соҳиби ҳисобланган Модрич ўтган мавсум “Реал” сафида жами 46та ўйинда майдонга тушди ва 4та гол ҳамда 9та голли узатма ёздириб қўйишга эришди. Унинг мадридликлар билан амалдаги шартномас 2020 йилнинг ёзида ўз ниҳоясига етади.