"Монако" 3 та ўйинда 10 та гол ўтказиб юборди

"Монако" Лига 1 нинг 21-турида "Страсбург" (1:3) га қарши учрашувда 3 та гол ўтказиб юборди.

Шу тариқа, Роберт Морено шогирдлари сўнгги 3 та баҳсда ўтказиб юборган голлари сони 10 тани ташкил этмоқда. Бундан олдин, монаколиклар ПСЖга қарши кечган иккита учрашувда ўз дарвозасидан 7 та тўп олиб чиққан эди (3:3 ва 1:4).

Маълумот учун, "монегасклар" Франция чемпионатининг жорий мавсумида 21 та турдан кейин, умумий 36 та гол ўтказиб юборди. Фақатгина, "Амьен" (41 та) ва "Тулуза" (44 та) "Монако"дан кўпроқ гол ўтказиб юборишган.