"Монако" инқироздан чиқишда "Барселона"ча "тактика"дан фойдаланади

"Монако” клуби ҳам Европанинг аксарият жамоалари қўллаётган “тактика”ни қўлламоқчи.

L'Equipe нашри тарқатган хабарга кўра, монаколиклар коронавирус пандемияси туфайли юзага келган инқироздан чиқиш учун футболчиларнинг маошини камайтирмоқчи. Клуб раҳбарияти бу борада футболчилар билан музокараларни бошлаб юборгани айтилмоқда.

Хабарларга қараганда, “Монако” футболчиларнинг маошини 50% га камайтирмоқчи. "Барселона", "Атлетико" ва "Севилья" клублари эса футболчилари маошини 70% га қисқартирган эди.