"Монако" Мертенсга 15 млн евро маош таклиф қилмоқда
“Наполи” клуби форварди Дрис Мертенс фаолиятини “Монако”да давом эттириши мумкин. Бу ҳақда Corriere dello Sport нашри хабар тарқатмоқда.
Унга кўра монаколиклар 32 ёшли бельгиялик футболчи учун 2 йиллик шартнома таклиф қилишмоқда. Агар томонлар келишувга эришса, Мертенс ушбу икки мавсум учун 15 млн евро маош олади.
Эслатиб ўтамиз, Мертенснинг “Наполи” билан амалдаги шартномаси ёзда ўз ниҳоясига етади. Шу боис унда ҳозир бошқа жамоалар билан музокара ўтказиш ҳуқуқи мавжуд.
Фикрлар