Моуриньо 140 миллион евролик футболчидан фойдаланмайдиган бўляпти

Испаниянинг машҳур спорт нашри - Marca журналистлари «Реал»нинг Испания чемпионати биринчи туридаги «Эспаньол»га қарши учрашуви учун тахминий таркибини эълон қилди. 

Маълумотларга кўра, «Реал» бош мураббийи Жозе Моуриньо учрашувни қуйидаги футболчилар билан бошлаши кутилмоқда: Куртуа, Александер-Арнольд, Конате, Хёйсен, Каррерас, Вальверде, Силва, Диас, Гюлер, Винисиус, Мбаппе.

Шу тариқа, учрашувни захирада бошлаши кутилаётган футболчилар орасида клуб тарихидаги энг қиммат трансфер — ҳужумчи Ян Диоманде ҳам бор. У учун мадридликлар «РБ Лейпциг» жамоасига 140 миллион евро тўлаган эди.

Шунингдек, мавсум олдидан ярим ҳимоячи Жуд Беллингем асосий таркибдаги «темир» футболчилардан бири бўлиши кутилган, аммо у захирада қоладиган бўляпти. Моуриньо уни майдонда «ўнинчи рақам» позициясида қўллашни режалаштирган эди.