Моуриньо "Реал"даги юз кунлик фаолиятига хулоса қилди

Мадриднинг «Реал» жамоаси бош мураббийи Жозе Моуриньо  клубдаги илк 100 куни ҳақида фикр билдирди. Матбуот анжуманида португалиялик мутахассисдан жамоа бошида ўтказган дастлабки ойларини қандай баҳолаши сўралди. 

Моуриньо эса аниқ баҳо қўйишдан бош тортди, асосий эътиборини ишга тўлиқ берганини таъкидлади.

«Бир нарсани аниқ айта оламан: мен ишимга юз фоиз бериламан. Фаолиятим фақат машғулотлар ўтказиш, таркиб танлаш ёки ўйин пайтида алмаштиришлар қилиш билан чекланмайди. 

Клубда умумий футбол тизими қандай йўлга қўйилаётганига ҳам таъсир кўрсатишга ҳаракат қиламан. Шунинг учун ўзимга қандайдир баҳо беришни истамайман. Фақат шунни биламанки, қўлимдан келган барча ишни қиляпман ва шу тарзда давом этаман», — деди Моуриньо.