Моуриньо "Реал" футболчиларига қатъий талаблар қўйди

Мадриднинг «Реал» жамоасига қайта келган Жозе Моуриньо янги мавсум олдидан интервью берди.

Португалиялик мутахассис июнь ойида «қироллик клуби» билан шартнома имзолаб, жамоани 2029 йил ёзигача бошқаришга келишди. Моуринью бу клубда аввал ҳам ишлаган — у «Реал»ни 2010 йилдан 2013 йилгача бошқарган эди.

- Футболчилар ўзини намунавий тутишяпти. Мен уларга шундай дедим: «Мен сизлардан талаб қиладиган ягона нарса – ақл билан иш тутиш, мантиққа риоя қилиш». Масалан, машғулот бошланишига беш дақиқа қолганда эмас, бир соат олдин етиб келишларини сўрадим. 

Олдинроқ келиш керак, овқатланиш диетолог назоратида бўлиши зарур, жароҳатларни олдини олиш учун ҳар куни спорт залига кириб туриш шарт. Бугунги замонавий футболнинг талаби шундай, – дея Моуриньонинг сўзларини келтиради Madrid Zone нашри.

Маълумот учун, 22 август куни «Реал» Ла Лиганинг биринчи турида сафарда «Эспаньол» жамоасига қарши майдонга тушади.