Моуриньо "Реал"га Родри нега керак эмаслигини тушунтирди

«Реал» бош мураббийи Жозе Моуринью «Манчестер Сити» ярим ҳимоячиси Родрининг мадридликлар сафига ўта олмагани ҳақида фикр билдирди.

— Родрини олиш биз учун ҳаётий зарурат эмасди. Бу чизиқда етишмовчилик йўқ, у кўпроқ «торт устидаги гилос» бўларди. Бизда Тчуамени, Камавинга, Вальверде, Бернарду бор, вақт ўтиши билан Арда ҳам шу позицияда ўйнай олади, — дея Моуриньюнинг сўзларини журналист Фабрицио Романо келтиради.

Аввалроқ «Реал» Родрига жиддий қизиқиш билдиргани ва уни трансфер орқали олиб келишга урингани хабар қилинганди. Аммо натижада испаниялик футболчи «Манчестер Сити»ни тарк этиб, «Барселона» билан тўрт йиллик шартнома имзолади.

«Реал» янги мавсумдаги илк учрашувини 22 август куни Ла Лигада ўтказади. Ўша куни Моуринью шогирдлари сафарда «Эспаньол»га қарши майдонга тушади.