Моуриньо 3:0 ҳисобидаги мағлубиятдан сўнг матбуот анжуманини муддатидан аввал тарк этди (видео)

"Манчестер Юнайтед" клуби бош мураббийи Жозе Моуринью кеча АПЛнинг 3-тури доирасида "Тоттенхэм"га (3:0) қарши ўйинда учралган йирик ҳисобдаги мағлубиятдан сўнг ўтказилган матбуот анжуманида шоу уюштирди.

Португалиялик мутахассис матбуот анжумани бошланиши билан ўзининг премьер-лигада эришган ғолибликлари ҳақида гапира кетди. Кейин эса зални тарк этди.

“Ҳисоб қандай? 3:0. Бу учми? Мен АПЛда неча марта чемпион бўлганман? Уч марта. Бу АПЛдаги қолган ҳар қандай мураббийдан кўра кўпроқ дегани. Шунинг учун ҳурмат қилинг. Ҳурмат!”, - дейди Моуриньо.