Mourino APLdan himoyachi olib kelmoqchi

"Norvich" himoyachisi Maks Aarons faoliyatini A Seriyada davom ettirishi mumkin. Bu haqda "Gazetta dello Sport" nashri yozmoqda.

Manbaning xabariga ko‘ra, "Roma" futbolchini o‘z safiga qo‘shib olmoqchi. Maksning transferini rimliklar bosh murabbiyi Joze Mourinoning shaxsan o‘zi xohlamoqda. 

"Transfermarkt" portali 21 yoshli fulbekni 22 million evroga baholamoqda. Agar tomonlar kelishuvga erishsa, xarid yanvarda amalga oshiriladi. Joriy mavsum Aarons  15ta o‘yinda maydonga tushib, bitta golga assistentlik qilgan.