Моуриньо “Барса” юлдузини олишдан бош тортгани сабаби маълум бўлди

Туркия Суперлигасида иштирок этаётган  “Фенербаҳче” бош мураббийи Жозе Моуриньо “Барселона” ҳужумкор футболчиси Ансу Фатини ўз жамоасига қўшиб олишдан бош тартди.

Marca нашри журналистлари португалиялик мутахассиснинг 22 ёшли ўйинчи трансферидан воз кечгани сабабларини аниқлади.

Манбага кўра, бу Ансу Фати яқиндагина тиззасидан олган жароҳати сабаб бўлган. Истеъдодли футболчи тўлиқ тиклангунича бир ойдан ортиқ вақт кетади.

Ўз даврида Каталония суперклубининг энг иқтидорли ўйинчиси ва “Мессининг вориси” деб таърифланган Ансу Фати бир неча жиддий жароҳатдан кейин аввалги даражасига кўтарила олмади.

Унинг каталонияликлар билан шартномаси 2027 йилнинг ярмигача давом этади. Бироқ Ханси Флик ҳам унга ишонч билдираётгани боис, Фати ўзига бошқа жамоа қидиришга мажбур.