Моуриньо “Барселона” футболчисини кутмоқда

“Тоттенхэм”ни бошқараётган Жозе Моуриньо жамоаси таркибини “Барселона” футболчиси билан кучайтирмоқчи.

Португалиялик мутахассис каталонияликлар сотувга қўйган юлдуз футболчилардан кўра, истеъдод ёш ярим ҳимоячи Лукас де Вегани олишни маъқул кўрмоқда.

Испания паспортига эга бўлган 20 ёшли бразилиялик футболчи ўтган мавсумда қуйи лигада  “Картахена” шарафини ҳимоя қилди ва бу жамоанинг Сегундага чиқишига муносиб ҳисса қўшди. “Барселона” бу футболчи билан 2022 йилнинг ёзигача шартнома тузган ва унинг бадал пулини 100 миллион еврога баҳолаган.

“Тоттенхэм” каталонияликларга керак бўлмаган футболчи учун 2 миллион евро таклиф қилмоқда. “Барса” уни 4 миллион еврога қўйиб юбориб, агар у ўзини кўрсата олса яна 4 миллион еврони бонус сифатида қўлга киритишни режалаштирмоқда.