Моуриньо "Барселона" ҳужумчисини кўзлаб қўйди

"Барселона" ҳужумчиси Ансу Фати Туркиянинг "Фенербахче" клубига кўчиб ўтиши мумкин. Бу ҳақида "АS" нашри хабар бермоқда. 
 
Унга кўра, туркияликлар ўз футболчиси Сен-Максименнинг ўйинидан қониқиш ҳосил қилмаяпти. Шу сабабли, ҳужумчи жамоани тарк этганидан сўнг клуб испаниялик вингер билан музокараларга киришмоқчи. 
 
"Кўк-анорранглилар" ҳам молиявий муаммолар ва футболчининг спорт формасидан келиб чиққан ҳолда, қишки трансферлар ойнасида қўйиб юборишга тайёрлигини билдирган. Бироқ, манбанинг маълумотига кўра, Фати каталонияликлар сафида қолишга қарор қабул қилиб, ўйин амалиёти учун курашмоқчи. 
 
Маълумот ўрнида, 22 ёшли қанот ҳужумчиси бу мавсум 4 та ўйинда майдонга тушган бўлса ҳам, ҳали гол ура олгани йўқ. Унинг клуб билан шартномаси 2027 йилгача мўлжалланган бўлиб, Тransfermarkt порталидаги нархи 10 миллион евро деб баҳоланмоқда.