Моуриньо “Бенфика” билан келиша олмай қолди

“Бенфика” бош мураббийи Жозе Моуриньо Мадриднинг “Реал” клуби бошқарувига тайинланмаган тақдирда ҳам Лиссабон жамоасида қолмайдиган бўлди.

Португалиялик мутахассиснинг кетиши “оғриқли эмас, аммо дўстона ҳам эмас”. Бу ҳақда AS нашри хабар бермоқда.

Манба маълумотига кўра, Моуриньонинг “Бенфика”дан шартномани узайтириш таклифини олгани, бироқ уни шошилинч тарзда кўриб чиқмаслигини очиқ билдиргани Лиссабон клуби раҳбариятига ёқмаган.

Ўз навбатида, мураббий клубнинг янги шартнома таклифини кечиктиргани ва буни “Реал” унга қизиқиш билдирганидан кейингина қилганидан норози бўлган.

Агар Флорентино Перес президентлик сайловида ғалаба қозонмаса ҳам, Моуриньо энди “Бенфика”да қолмайди. Шу билан бирга, Переснинг сайлоқда мағлуб бўлиши эҳтимоли жуда паст, деб баҳоланмоқда.