Моуриньо бош мураббийликни олиш учун “Реал”га муаммо қилмайди

Таниқли футбол агенти Жорже Мендеш ўз мижози – айни пайтда “Бенфика”ни бошқараётган Жозе Моуриньони “Реал”га жойлашган ҳаракат қилмоқда.

Мендеш бир неча кундан бери “Реал Мадрид” президенти Флорентино Перес билан тўғридан-тўғри музокара олиб бормоқда. Унинг таъкидлашича, Моуриньо шахсий шартлари ва шартнома муддати бўйича “Реал”га муаммо туғдирмайди.

Бу ҳақда журналист Флориан Плеттенберг ижтимоий тармоқда маълум қилди.

Манбага кўра, Моуриньо “Қироллик клуби”га қайтишга тайёр. Шу билан бирга, мадридликлар кутаётган Юрген Клоппнинг “Реал”га тайинланиши бўйича ҳеч қандай муҳокама йўқ.

Португалиялик мураббий 2010 йилдан 2013 йилгача “Реал”да ишлаган ва бу вақт ичида учта соврин қўлга киритган. Моуриньо қўл остида мадридликлар Ла Лига, Испания кубоги ва Испания Суперкубогини ютган.