Моуриньо бу футболчини Турин ва Милан клубларига бериб қўймайди

“Рома” мутасаддилари жамоадан кетиши керак бўлган Рик Карсдорп ўрнига ўнг қанот ҳимоячисини қидирмоқда.

Биринчи навбатда, клуб спорт директори Тьягу Пинто “Барселона” вакили Эктор Бельерин ёки  “Рома” тарбияланувиси Альваро Одриосолани Римга олиб келиш учун курашади. Учинчи номзод сифатида рўйхатга “Салернитана” ҳимоячиси Паскуаль Маццокки қўшилди.

Corriere dello Sport нашрининг ёзишича, 27 ёшли Маццокки жорий мавсумни юқори савияда ўтказмоқда. 15 та учрашувда майдонга тушган ҳимоячи ўз вазифаларини бажаришдан ташқари, рақиб дарвозасига иккита тўп киритди ва жамоадошлари бир жуфт голли пас билан таъминлади.

Бу футболчини олиш учун Жозе Моуриньо “Торино” ва “Интер” рақобатини синдиришига тўғри келади. Маццокки 10 миллион евродан қимматга баҳоланяпти.