Моуриньо: Дибалани “Рома”га ўтишга ўзим кўндираман!

Жозе Моуриньо “Ювентус” билан шартномаси якунланаётган Пауло Дибалани Римга келишини истаяпти. Португалиялик мутахассис туринликлар билан бўлган ўйиндан кейин аргентиналик юлдузга унга устозлик қилмоқчилигини айтгани ҳам бежиз эмас.

Football Italia нашрининг маълум қилишича, Моуриньо Дибалани кўндириш учун унга шахсан ўзи боғланиб, амалга ошираётган лойиҳаси аҳамияти ва Паулонинг ундаги иштироки бўйича гаплашиб олишга тайёр.

А Серияда Дибалага мамлакатнинг амалдаги чемпиони “Интер” ҳам жиддий қизиқиш билдиряпти. Улар олдинги чизиқда Аргентина терма жамоасининг икки ўйинчиси – Дибала ва Лаутаро Мартинес тандемини ўйнатмоқчи.

Паулога “Тоттенхэм”, “Манчестер Юнайтед”, “Арсенал” каби клублардан чорлов бор. Ҳужумчининг ўзи ўйин услуби Англия футболига мос эмас, деб ҳисоблаяпти.