Моуриньо доктор аёлни ҳақорат қилганидан афсусланмайди

“Реал” бош мураббийи Жозе Моуриньо Лондоннинг “Челси” клубида ишлаган даврида лондонликларнинг собиқ шифокори Ева Карнейродан ҳали ҳам узр сўрамоқчи эмаслигини айтди.

2015/2016 йилги мавсум бошида Премьер-лиганинг “Суонси”га қарши ўйинида Моуриньо Ева майдонда ётиб қолган Эден Азарга тиббий ёрдам кўрсатиш учун майдонга югуриб кирганида, уни португал тилида “фоҳишанинг қизи”, деб ҳақорат қилганди.

Моуриньонинг ғазаби ўйинда юзага келган танаффус билан боғлиқ эди, бироқ Жозе охир-оқибат Карнейронинг “Челси”дан кетиши ва суд жараёнларига олиб келган можародан афсусда эмаслигини билдирди.

- Мен учун аёл шифокор эркак шифокор билан бир хил. Шунинг учун, ҳар доимгидек, норози бўлганимда луғатимдаги барча сўзларни ишлатаман.

Бундай сўзлар таранглик ҳаддан ташқари юқори бўлган пайтларда айтилади. Одатда, футбол маданияти, футбол генлари ва футбол тарбиясига эга бўлган одамлар бундай ҳолатни бир сонияда енгиб ўтишади. Бу ҳолатда эса бошқача бўлди, - деди Моуриньо Netflix ҳужжатли фильмида.