Моуриньо гранд клуб таклифини қабул қилмоқчи

"Рома" бош мураббийи Жозе Моуриньо ПСЖни бошқаришга тайёр, дея хабар бермоқда "Foot Mercato" нашри. 

60 ёшли мутахассис Париж клубидан таклиф келса, уни қабул қилишга тайёр. 

Айни вақтда Моуриньо "Рома"да ишламоқда. У "бўрилар" билан Европа лигаси финалига йўл олган. ПСЖни бошқараётган Кристоф Гальтье мавсум якунида кетиши ҳақида хабарлар тарқалмоқда. Шунингдек, Жозе ҳам Рим клубини тарк этиш ниятида.

ПСЖ айни дам Франция чемпионати турнир жадвалида пешқадам ҳисобланади. Улар чемпионликни қўлга киритиши учун 1 очко етарли.