Моуриньо ҳайдаётган футболчи “Рома” раҳбариятига мурожаат қилмоқчи

“Рома”нинг “Сассуоло”га қарши учрашувида хато қилиб, жамоасини тайёр уч очкодан айрган Рик Карсдорп бош мураббий Жозе Моуриньонинг ғазабига учраганидан хабарингиз бор.

Португалиялик мутахассис нидерландиялик ҳимоячига қишда ўзига янги иш жойи топиши кераклигини уқтирган.

Вазиятни таҳлил қилиб чиққан Рик Карсдорпнинг агенти келаси ҳафта ўз мижози тақдирини муҳокама қилиш учун клуб раҳбарияти билан учрашишни режалаштирмоқда.

Рик Карсдорп беш йилдан бери римликлар шарафини ҳимоя қилиб келмоқда. Унинг амалдаги шартномаси 2025 йилнинг ярмигача давом этади.