Моуриньо: “Келаси ҳафта "Реал" билан шахсан гаплашаман ва ўшанда қарор қабул қиламан”

"Бенфика" бош мураббийи Жозе Моуриньо "Реал"ни бошқариши ҳақидаги хабарга муносабат билдирди.

"Мен "Бенфика"да қолишимнинг 99 фоиз эҳтимоли бор, чунки менинг амалдаги шартномам бор. Бундан ташқари, унинг муддатини узайтириш бўйича таклиф бор, мен уни ҳали кўрмаганман, лекин агентим бу ажойиб таклиф эканлигини айтди.

Мен ҳали "Реал"дан ҳеч нарса олганим йўқ, лекин ҳеч биримиз содда эмасмиз ва Жорж (Мендеш, Моуриньони агенти), президент ва клуб раҳбарияти ўртасида музокаралар олиб борилмоқда.

Келаси ҳафта "Реал" билан шахсан гаплашаман ва ўшанда қарор қабул қиламан. Шу пайтгача фақат "Реал" ва Мендеш ўртасида алоқалар бўлган, мен билан эмас.

Агентим "Реал" билан жиддий вариант пайдо бўлиши мумкинлигини айтди - буни инкор этмайман. Лекин ҳозирча "Реал" билан имзоланган шартнома йўқ.

"Бенфика"да мен ҳар куни бахтли эдим. Мен буни бугун кечқурун ўйинчиларга айтдим, улар билан ҳар куни ҳақиқатан ҳам бахтли бўлганимни айтдим", - деди Моуриньо.