Моуриньо кутаётган ўйинчи “Барса”га ўтмаслигини айтди

“Рома” бош мураббийи Жозе Моуриньо анчадан бери “Аякс” ҳимоячиси Нуссаир Мазрауини Римга олиб келишни ўйлаб юрибди. Бироқ, кейинги пайтда бу футболчига “Барселона” жиддий қизиқиш билдира бошлади.  

Марокашлик ҳимоячи ўзининг Каталония клубига ўтиши ҳақида тобора кўпайиб бораётган хабарларга ўз муносабатини билдирди.

“Барселона” мен билан алоқага чиққани йўқ. Қолаверса, ҳеч ким билан трансфер ҳақида гаплашмаганман. Мен ҳали ўз клубимдан кетмоқчи эмасман, - деди Мазрауи.

“Аякс” ҳимоячиси жорий мавсумда Нидерландия чемпионатида 21 та учрашувда майдонга тушиб, ўз ҳисобига бешта гол ва иккита ассист ёздириб қўйди. Унинг амстердамликлар билан амалдаги битими мавсум охирида якунланади.