Mourino “Real” hujumchisini olishga ko‘nmadi

“Real” rahbariyati dominikanlik hujumchi Mariano Dias bilan yangi bitim tuzmadi va futbolchi poytaxtni tark etadigan bo‘ldi.

Hozir Diasning agentlari unga yangi jamoa qidirmoqda.

“Roma” hujumchisi Temmi Abraxamning uzoq muddatga safdan chiqqanini inobatga olgan agentlar Mariano Diasning xizmatlarini rimliklarga taklif qildi.

Il Messaggero nashrining ma’lum qilishicha, “Roma” bu taklifni qabul qilmagan. Joze Mourino Temmi Abraxam o‘rniga “Atletiko”da o‘ynayotgan Alvaro Morataning kelishini istayapti.