Моуриньо “Реал”дан футболчи сўрайди
“Рома” бош мураббийи Жозе Моуриньо жамоа ҳимоя чизиғига янги футболчи олишни режалаштирмоқда. Португалиялик мутахассис нидерландиялик ҳимоячи Рик Карсдорпни жамоадог ҳайдаганидан хабарингиз бор. Энди римликлар унинг ўрнини босадиган ўйинчи олмоқчи.
Calciomercato.it сайти тарқатган забарга кўра, Жозе Моуриньо ўнг қанот ҳимоясига “Реал” футболчиси Альваро Одриосолани олиб келмоқчи. Испаниялик футболчи мадридликлар сафида бу мавсум ҳали бирорта ўйинда қатнашгани йўқ ва шу боис, муҳитни ўзгартиришни истаяпти.
Одриосола 2018 йилда “Реал”га келганидан бери жамоа асосий таркибидан муқим жой олишни уддалай олмаяпти. У фаолияти давомида “Бавария” ва “Фиорентина”да ижарада тўп тепди.
26 ёшли футболчининг амалдаги шартномаси 2024 йилнинг ярмигача давом этади. Унинг трансфери 6 миллион еврога баҳоланаётгани ҳам римликларга қўл келиши мумкин.
Фикрлар