“Тоттенхэм” бош мураббийи Жозе Моуриньо “Манчестер Юнайтед” ҳужумчиси Маркус Рэшфордни мақтади.

- У ажойиб иш қилди. Бир футболчи ҳукуматга таъсир ўтказа олганига қойил қолдим. Бир неча йил олдин 18 ёшли бола билан танишгандим. У ҳозир ҳақиқий эркак ва ўз принципларига эга инсон  бўлиб етишди, - деди Моуриньо.

Маркус Рэшфорд ўзининг актив ҳаракатлари билан Британия ҳукумати томонидан коронавирус вақтида болаларга бепул овқат тарқатиш тизимини давом эттириш ва уларни қўллаб-қувватлаш учун 120 миллион фунт ажратилишига эришди.