Моуриньо "Рома" раҳбариятидан нима хоҳлайди?
Италия терма жамоаси дарвозабони Жанлуижи Доннарумма А Серияда қолиши мумкин.
La Gazzetta dello Sport нашрининг хабар беришича, 22 ёшли италиялик посбон учун курашга “Рома” ҳам қўшилмоқчи. Аниқроғи, Доннаруммани “Рома”нинг янги устози Жозе Моуриньо ўз жамоасида кўришни хоҳлаяпти. Португалиялик мутахассис клуб раҳбариятидан Италия терма жамоаси дарвозабонини сотиб олиш учун маблағ ажратишни сўрамоқда.
Шу ўринда жорий ой “Милан” билан шартномаси якунланадиган ва эркин агентга айланадиган Доннаруммага “Барселона”, “Ювентус” ва ПСЖ клубларидан ҳам жиддий таклифлар борлиги ҳақида турли хабарлар бор.
Доннарумма ортда қолган мавсумда А Серияда жами 37 та ўйин ўтказди. У шуларнинг 13 тасида ўз дарвозаси дахлсизлигини сақлаб қолди.
Фикрлар